01اشتراك Tilago Overlay
عندك ٧ أيام من تاريخ الدفع تطلب استرداد كامل لو التركيبات مارضيتش تشتغل عندك في OBS ومقدرناش نحلّها معاك.
الشرط الوحيد إنك تكون جرّبت معانا: ابعتلنا المشكلة على واتساب أو تليجرام وإدينا فرصة نساعدك. أغلب المشاكل بتتحل في دقايق، ولو مااتحلّتش بنرجّع الفلوس كاملة.
بعد الـ٧ أيام: مفيش استرداد لباقي المدة. تقدر تبطّل التجديد ببساطة إنك ماتدفعش تاني — مفيش خصم تلقائي أصلاً.
02التصاميم والباكدجات الجاهزة
المنتجات الجاهزة (أليرتات، باكدجات، ملفات ثري دي) بتتسلّم فوراً بعد الدفع. ولأنها ملفات بتتحمّل، مفيش استرداد بعد التحميل.
الاستثناء: لو الملف اللي وصلك مش مطابق للوصف، أو تالف ومقدرناش نستبدله — بنرجّع الفلوس.
03الشغل المخصّص
التصاميم اللي بتتعمل مخصوص ليك (لوجو، باكدج بهويتك، إعداد ديسكورد) ليها معاملة مختلفة لأن الشغل فيها بيبدأ بعد الاتفاق:
- قبل ما نبدأ: استرداد كامل.
- بعد أول تسليم: استرداد جزئي حسب اللي اتعمل.
- بعد التسليم النهائي والموافقة: مفيش استرداد.
وفي كل الحالات، التعديلات المتفق عليها في الطلب حقّك ومش بتتحسب طلب جديد.
04إمتى مفيش استرداد
- لو غيّرت رأيك بعد ما الملفات وصلتك واشتغلت.
- لو الاشتراك اتوقف بسبب مخالفة (مشاركة المفتاح أو إعادة البيع).
- لو المشكلة في جهازك أو نتك أو إعدادات OBS ومقدرناش نوصلك عشان نساعدك.
05إزاي تطلب
ابعتلنا على أي قناة من دول ومعاك:
- البريد اللي اشتريت بيه.
- تاريخ الدفع تقريباً.
- المشكلة اللي حصلت.
06مدة الاسترداد
بنراجع الطلب ونرد خلال ٣ أيام عمل. لو اتوافق عليه، المبلغ بيرجع بنفس طريقة الدفع. وصوله لحسابك بياخد المدة اللي بيحددها البنك أو بايبال — عادةً من ٣ لـ١٤ يوم، وده خارج عن إرادتنا.