سياسة الخصوصية

01اللي بنجمعه

اسمك وبريدك — من تسجيل الدخول بجوجل، أو من التسجيل بالبريد.
رقم موبايلك — بتكتبه وقت الدفع عشان نقدر نتواصل معاك لو حصلت مشكلة في الطلب.
بيانات اشتراكك — الخطة، تاريخ البداية والنهاية، والألوان اللي اخترتها لتركيباتك.
طلباتك — لو اشتريت تصميم أو باكدج، بنحتفظ بتفاصيل الطلب.

02اللي مابناخدوش

بيانات الكارت البنكي. الدفع بيتم على صفحة بايموب أو بايبال، ورقم الكارت بيروح لهم مباشرة. مابيعدّيش على سيرفرنا ومابنخزّنوش، حتى لو حبينا مش هنقدر.

مابنجمعش بيانات من بثك على تيك توك ولا بنخزّن تعليقات ولا هدايا جمهورك.

03ليه بناخدها

عشان نعرف اشتراكك شغّال ولا لأ، ونديك روابطك.
عشان نتواصل معاك لو في مشكلة في الدفع أو الطلب.
عشان نحفظ ألوانك فالرابط في OBS مايتغيّرش كل ما تعدّل.

04مين بيشوفها

إحنا، وبس. مابنبيعش بياناتك ومابنأجّرهاش لحد.

وفيه خدمات بنستخدمها وبتوصلها أجزاء لازمة لشغلها:

جوجل — لو سجّلت دخولك بحساب جوجل.
بايموب وبايبال — للدفع.
Supabase — قاعدة البيانات اللي بيتخزّن فيها حسابك.
Vercel — استضافة الموقع.
Cloudinary — تخزين الصور والفيديوهات المعروضة في المتجر.

05الكوكيز

بنستخدم كوكي واحدة أساسية: كوكي الجلسة اللي بتخلّيك فاضل مسجّل دخولك. من غيرها الموقع مش هيعرف إنك انت. مفيش كوكيز إعلانات ولا تتبّع لمواقع تانية.

06مدة الاحتفاظ

بنحتفظ ببيانات حسابك طول ما الحساب موجود. سجلّات الدفع بنحتفظ بيها مدة أطول لأنها مطلوبة للمحاسبة ولحل أي نزاع.

07حقّك

في أي وقت تقدر تطلب:

نسخة من بياناتك اللي عندنا.
تصحيح أي حاجة غلط.
مسح حسابك وبياناتك.

ابعتلنا على tilagoesport@gmail.com من نفس البريد المسجّل، وبنرد في وقت معقول. المسح بيخلّي أي اشتراك شغّال يتوقف.

08الأمان

الموقع كله على اتصال مشفّر، وكلمات السر متخزّنة مشفّرة مش كنص. ومع ذلك مفيش نظام مضمون ١٠٠٪، فلو حصل أي اختراق يمسّ بياناتك هنبلّغك.

09الأطفال

الخدمة موجّهة لصنّاع المحتوى البالغين. لو انت أقل من ١٨ سنة، استخدمها بإشراف ولي أمرك.